Health News

आयुष्यमान भारत योजना है युनिव्हर्सल हेल्थ के तरफ पहला कदम

Leave a Comment / Health Insurance, Health News, Health Scheme, Hospital / Health's Infos

माननीय प्रधानमंत्री ने कहा आयुष्मान भारत योजना विश्व की सबसे बड़ी सरकार द्वारा वित्त पोषित योजना है और यह यूनिवर्सल हेल्थ की तरफ पहला कदम है. आयुष्मान भारत-प्रधानमंत्री जन आरोग्य योजना (AB-PMJAY), यूनिवर्सल हेल्थ कवरेज के उद्देश्य से लॉन्च की गई थी यह सरकार द्वारा वित्त पोषित, दुनिया की सबसे बड़ी स्वास्थ्य आश्वासन योजना है हेल्थ कवरेज प्रक्रिया को सुगम बनाने हेतु इसके तहत आयुष्मान कार्ड जारी किए जाते हैं#IconicWeek pic.twitter.com/VrvI7G7Zpm — पीआईबी हिंदी (@PIBHindi) August 27, 2021

आयुष्यमान भारत योजना है युनिव्हर्सल हेल्थ के तरफ पहला कदम Read More »

AYUSHMAN BHARAT SCHEME AIMS TO REACH UNIVERSAL HEALTH

Leave a Comment / Health Insurance, Health News, Health Scheme, Hospital / Health's Infos

PM Says AYUSHMAN BHARAT Pradhan Mantri Jan Arogya Yojana launched as step towars Universal Health. आयुष्मान भारत-प्रधानमंत्री जन आरोग्य योजना (AB-PMJAY), यूनिवर्सल हेल्थ कवरेज के उद्देश्य से लॉन्च की गई थी यह सरकार द्वारा वित्त पोषित, दुनिया की सबसे बड़ी स्वास्थ्य आश्वासन योजना है हेल्थ कवरेज प्रक्रिया को सुगम बनाने हेतु इसके तहत आयुष्मान कार्ड जारी किए जाते हैं#IconicWeek pic.twitter.com/VrvI7G7Zpm — पीआईबी हिंदी (@PIBHindi) August 27, 2021 @healthschemeinfo

AYUSHMAN BHARAT SCHEME AIMS TO REACH UNIVERSAL HEALTH Read More »

महात्मा ज्योतिराव फुले जन आरोग्य योजना शंका व समाधान #MJPJAY #Fact

Leave a Comment / Global News, Health Insurance, Health News, Health Scheme, Hospital / Health's Infos

या कोरोना काळात महात्मा ज्योतिराव फुले जन आरोग्य योजना अत्यधिक चर्चेत आली. चर्चा होते तेव्हा ती उलट-सुलट असे दोन्ही प्रकारांची असते. बरेच वेळा असं होतं की या उलट सुलट चर्चा व त्यांचे अवडंबर यांमुळे सत्य झाकोळलं जातं आणि हेच सत्य उजागर करणं गरजेचं असतं. तर चला आज जाणून घेऊया काय आहे महात्मा ज्योतिराव फुले जन आरोग्य योजना व कसा मिळवावा या योजनेचा लाभ प्रश्नोत्तरांच्या साह्याने….. प्रश्न : योजनेतून पैसे मिळवण्यासाठी बिलं कुठे सादर करायची? उत्तर : या योजनेमधून रुग्णांना प्रत्यक्ष पैसे दिले जात नाहीत त्यामुळे रुग्ण व त्यांच्या नातेवाईकांनी प्रतिपूर्ती अर्थात परतावा मिळविणे करिता कोणत्याही प्रकारे बिल सादर करण्याची आवश्यकता नसते. प्रश्न : मग योजनेचा लाभ कसा मिळेल? उत्तर : योजनेचा लाभ हा कॅशलेस स्वरूपात मिळतो अर्थात योजनेमध्ये समाविष्ट आजारांवर मोफत उपचार केले जातात. प्रश्न : मग सरकार ने दिलेले योजनेचे पैसे आमच्या खात्यावर कसे टाकले जातील? उत्तर : शासनातर्फे रुग्ण अथवा रूग्णांच्या नातेवाईकांच्या बँक अकाऊंट मध्ये अशा प्रकारे कोणतेही पैसे जमा केले जात नाहीत. योजनेअंतर्गत लाभार्थ्यांना मोफत उपचार दिले जातात व त्या बदल्यात रुग्णालयांना प्रतिपूर्ती अर्थात क्लेम दिला जातो. प्रश्न : हॉस्पिटल वाले आमच्या खात्यातून कितीही पैसे काढून घेतील ना मग? उत्तर : असे करणे शक्य नाही. रुग्णावर उपचार करण्यापूर्वी हॉस्पिटल ला यासंबंधी योजनेची पूर्वपरवानगी घ्यावी लागते व ती पूर्व परवानगी मिळताना विशिष्ट पॅकेजच्या स्वरूपात विशिष्ट रकमेची पूर्व परवानगी दिली जाते व त्यानंतर रुग्णालय ज्यावेळेस प्रतिपूर्ती अर्थात क्लेम सादर करतात त्यावेळेस संपूर्ण कागदपत्रांची पुरेपूर तपासणी करूनच रुग्णालयांना पॅकेज रकमेपैकी ची योग्य ती रक्कम दिली जाते. प्रश्न : आम्ही उपचार घेत असलेल्या हॉस्पिटलचे बिले हॉस्पिटलने कोणाकडे सादर करायची? उत्तर : ही योजना ज्या रुग्णालयांमध्ये उपलब्ध आहे अर्थात जी रुग्णालय योजनेशी जोडली गेली आहेत अशाच रुग्णालयांमध्ये या योजनेचा लाभ दिला जातो. अश्या योजनेशी जोडलेल्या हॉस्पिटल ने ऑनलाईन पद्धतीने पूर्वपरवानगी मिळविणे, उपचार केलेल्या कागदपत्रांची पूर्तता करणे व क्लेम सादर करणे अशी ऑनलाईन प्रणाली द्वारे प्रक्रिया राबवायची असते. प्रश्न : कोणत्या हॉस्पिटल मध्ये ही योजना आहे हे आम्हाला कसे कळेल? उत्तर : आपल्या शहरातील अथवा आपल्या आसपासच्या रुग्णालयांची माहिती मिळविण्यासाठी आपण www.jeevandayee.gov.in या वेबसाइटला भेट देऊ शकता अथवा 155388 / 10882332200 या मोफत अर्थात टोल फ्री क्रमांकावर संपर्क साधून आपण ही माहिती मिळवू शकता. तसेच आपण ज्या रुग्णालयात गेले आहात त्या रुग्णालयात योजना उपलब्ध आहे अथवा नाही याबद्दल चौकशी करू शकता. योजनेत संलग्नित असलेल्या रुग्णालयांमध्ये योजनेसंबंधी बॅनर्स लावलेले असतात व योजनेचे मदत केंद्र उपलब्ध असते जिथे योजनेची माहिती देण्यासाठी व नाव नोंदणी करण्यासाठी योजनेचे आरोग्य मित्र उपलब्ध असतात. प्रश्न : योजनेचा लाभ घेण्यासाठी कोणती कागदपत्रे लागतात? उत्तर : योजनेचा लाभ घेण्यासाठी मुळ शिधा पत्रिका अर्थात रेशन कार्ड व कोणतेही शासकीय ओळखपत्र जसे आधार कार्ड, पॅन कार्ड, मतदान कार्ड, ड्रायव्हिंग लायसन्स इत्यादी कागदपत्रांची पूर्तता करणे आवश्यक असते. प्रश्न : हे कागदपत्र कोणाकडे द्यायचे? उत्तर : योजनेअंतर्गत जोडले गेलेल्या रुग्णालयांमध्ये जर रुग्ण भरती असेल तरच या योजनेचा लाभ मिळतो व त्यासाठी रुग्णाला भरती करतेवेळेस अथवा भरती केल्यानंतर लगेचच योजनेच्या मदत केंद्रावर उपलब्ध असणाऱ्या आरोग्य मित्रांकडे कागदपत्रे जमा करणे आवश्यक असते. आरोग्य मित्र या कागदपत्रांची पडताळणी करून ऑनलाईन पद्धतीने नाव नोंदवून घेतात मूळ कागदपत्रे आपणास वापस करतात. प्रश्न : कागदपत्रे सोबत आणले नसतील तर योजनेचा लाभ भेटणार नाही का? उत्तर : जर उपचार करण्यास वेळ असेल तर कागदपत्रांची पूर्तता करणे आवश्यक असते परंतु उपचार तातडीचे असतील व उपचार लगेच सुरू करणे आवश्यक असल्यास रुग्णालयास योजनेच्या विहित नमुन्यात एक हमीपत्र देणे आवश्यक असते ज्यामध्ये विशिष्ट कालावधीत कागदपत्रांची पूर्तता करण्याचे रुग्ण अथवा त्याच्या नातेवाईकांनी आश्वासन दिलेले असते अशा परिस्थितीत या हमीपत्राच्या आधारावर रुग्णालय तात्काळ उपचार सुरू करते व रुग्ण आता त्याच्या नातेवाईकांनी कागदपत्रांची मुदतीत पूर्तता करणे आवश्यक असते अन्यथा योजनेचा लाभ बाद केला जातो. प्रश्न : योजनेचा लाभ सगळ्या आजारांवर मिळतो का? उत्तर : महात्मा ज्योतिराव फुले जन आरोग्य योजनेअंतर्गत 996 आजारांसाठी प्रति वर्ष प्रति कुटुंब दीड लाखापर्यंत पॅकेज आधारित पद्धतीने लाभार्थी कुटुंबांना लाभ दिला जातो यामध्ये कुटुंबातील एक व्यक्ती कितीही वेळा किंवा अनेक व्यक्ती कितीही वेळा दीड लाखाची मर्यादा संपेपर्यंत लाभ घेऊ शकतात. तर जे लाभार्थी प्रधानमंत्री जन आरोग्य योजनेचे लाभार्थी आहेत अशा लाभार्थी कुटुंबांना अतिरिक्त 213 आजारांसाठी अतिरिक्त 3.5 लक्ष रुपयांचा प्रतिवर्ष प्रति कुटुंब अर्थात एकूण 1209 आजारांसाठी प्रति वर्ष प्रति कुटुंब पाच लक्ष रुपयांपर्यंत लाभ दिला जातो. प्रश्न : हॉस्पिटलने चुकीची माहिती दिली अथवा लाभ नाकारल्यास काय करावे? उत्तर : सदरील माहिती आरोग्य मित्रांकडून तपासून घ्यावी व शंकेचे समाधान न झाल्यास योजनेच्या जिल्हास्तरीय अधिकार्‍यांशी संपर्क साधावा. प्रश्न : योजनेच्या अधिकाऱ्यांचे संपर्क क्रमांक कुठे मिळतील? उत्तर : रुग्णालयातील योजनेच्या मदत केंद्रावर योजनेच्या अधिकाऱ्यांचे संपर्क क्रमांक लावलेले असतात अथवा आरोग्य मित्रांकडून अधिकाऱ्यांचे संपर्क क्रमांक मिळणे सहज शक्य आहे अथवा योजनेच्या टोल फ्री क्रमांकावर अथवा वेबसाईटवर अधिकाऱ्यांचे संपर्क क्रमांक मिळू शकतात. प्रश्न : योजनेमध्ये अजून काय काय मोफत मिळते? उत्तर : योजनेअंतर्गत ठराविक पॅकेजेस मध्ये संपूर्ण मोफत उपचार दिले जातात यामध्ये औषधी, ऑपरेशनचा खर्च, भूल तज्ञांची सुविधा इत्यादी बाबींचा समावेश आहे. या सोबत आवश्यक तपासण्या, रुग्णासाठी रुग्ण रुग्णालयात भरती असे पर्यंतचे जेवण व सार्वजनिक वाहतूक नियमानुसार एक वेळचा रुग्णाच्या परतीच्या प्रवासाचा भत्ता मोफत दिला जातो. प्रश्न : कोरोना आजारावर चे उपचार योजनेमध्ये आहेत का? उत्तर : होय 23 मे 2020 रोजीचे शासन निर्णयानुसार महात्मा ज्योतिराव फुले जन आरोग्य योजने अंतर्गत वीस पॅकेजेस च्या माध्यमाने कोरोना आजारावर उपचार लागू करण्यात आले आहेत. या उपचारांमध्ये महागडी औषधे व कोरोना संबंधी वैयक्तिक सुरक्षा साधने व इतर बाबींचा समावेश नाही. प्रश्न : हॉस्पिटलने आम्हाला माहिती दिली नाही अथवा आमच्याकडून जास्तीचे पैसे घेतल्यास आम्ही तक्रार कुठे करायची? उत्तर : रुग्णालयांमध्ये उपलब्ध असलेल्या मदत केंद्रावरील आरोग्य मित्रांकडे आपण सदरील तक्रार नोंदवू शकता अथवा योजनेच्या जिल्हास्तरीय अधिकाऱ्यांशी संपर्क साधून सदरील तक्रार नोंदविता येते याव्यतिरिक्तही जिल्ह्याच्या योजनेसंबंधी जिल्हा संनियंत्रण व तक्रार निवारण समितीचे सदस्य सचिव या नात्याने आपण मा. जिल्हा शल्य चिकित्सक व अध्यक्ष या नात्याने मा. जिल्हाधिकारी यांचे कार्यालयातही सदरील तक्रार नोंदविता येते.

महात्मा ज्योतिराव फुले जन आरोग्य योजना शंका व समाधान #MJPJAY #Fact Read More »

ग्रामीण भागातील जनतेला कोरोना उपचाराच्या खर्चात मोठा दिलासा ! #COVID #CORONA #Maharashtra

Leave a Comment / Health News, Hospital / Health's Infos

मुख्यमंत्री सचिवालय (जनसंपर्क कक्ष) कडून प्राप्त माहितीनुसार आज दिनांक १ जून २०२१ रोजी पासून राज्यातील खासगी रुग्णालयांना कोविड उपचारासाठी अवास्तव दर लावता येणार नसल्यामुळे आता ग्रामीण भागातील जनतेला कोरोना उपचाराच्या खर्चात मोठा दिलासा मिळाला आहे.रुग्णालयांचे दर शहरांच्या वर्गीकरणानुसार निश्चित करण्यात आले असून मुख्यमंत्री उद्धव ठाकरे यांची अधिसूचनेस मंजुरी मिळाली आहे व काटेकोर अंमलबजावणी करण्याचे मुख्यमंत्र्यांनी निर्देश दिले आहेत.कोरोना संसर्गाच्या दुसऱ्या लाटेचा तडाखा ग्रामीण भागाला बसला आहे. कोविड उपचारांसाठी खासगी रुग्णालयांमध्ये येणारा अवाच्या सव्वा खर्च थांबविण्यासाठी आणि सर्वसामान्यांना दिलासा देण्याच्या दृष्टीकोनातून खासगी रुग्णालयांच्या उपचाराचे दर निश्चित करण्यात आले आले असून मुख्यमंत्री उद्धव ठाकरे यांनी त्याबाबतच्या अधिसूचनेला मंजूरी दिली आहे. 11यानुसार आता शहरांचे वर्गीकरण करून दर निश्चित केले आहेत, यात निश्चित दरांशिवाय अधिक दर आकारता येणार नाहीत. या अधिसूचनेची काटेकोर आणि परिणामकारक अंमलबजावणी व्हावी याबाबत सर्व संबंधित जिल्हाधिकारी व महानगरपालिका आयुक्त यांना निर्देश देण्यात यावेत, अशा सूचनाही मुख्यमंत्र्यांनी दिल्या आहेत. खाजगी रुग्णालयात कोवीड बाधित रुग्णांवर उपचारासाठी ८० टक्के खाटांसाठी शासनाने निश्चित केलेल्या दरानुसार व उर्वरित २० टक्के खाटांसाठी खाजगी रुग्णालयांनी निश्चित केलेल्या दरानुसार दर आकारणी करण्याबाबतची अधिसूचना काल संपली. आज त्यास मुदतवाढ देताना त्यात शहरांच्या वर्गीकरणानुसार सुधारणा करण्यात आली आहे. यासंदर्भात सार्वजनिक आरोग्य मंत्री राजेश टोपे यांनी दिलेल्या प्रस्तावात म्हटले आहे की, दर कमी करण्याबाबत अनेक निवेदने त्यांच्याकडे आणि उपमुख्यमंत्री अजित पवार यांच्याकडे प्राप्त झाली होती. उपमुख्यमंत्र्यांच्या अध्यक्षतेखाली झालेल्या बैठकीत राज्य आरोग्य हमी सोसायटी यांचेशी झालेल्या चर्चेच्या अनुषंगाने या दरांमध्ये गाव, शहरांचे वर्गीकरण करून बदल करण्याबाबत ठरले व तसा प्रस्ताव मुख्यमंत्र्यांच्या मान्यतेसाठी पाठविण्यात आला. यापुर्वीच्या अधिसुचनेत उपचारांचे दर हे मोठ्या शहरातील रुग्णालये व अति दुर्गम भागातील रुग्णालये यासाठी एकच होते. शहरांच्या वर्गीकरणामुळे आता उपचारांच्या खर्चात मोठा दिलासा मिळणार आहे. विमा कंपन्या आणि विविध प्रकारच्या भत्ते देताना ज्याप्रमाणे शहरांचे वर्गीकरण केले जाते. त्याच निकषावर वर्गीकरण आणि संबंधित उपचारांचे दर निश्चित केल्याने, विशेषतः ग्रामीण भागातील रुग्णांवरील उपचारांचा खर्च तुलनेने कमी होणार आहेच. दरांसाठी शहरांच्या दर्जानुसार वर्गीकरण करण्यात आले आहे. अ, ब, क अशा गटात शहरे व भागांची विभागणी केली आहे त्यामुळे आता शहरी व ग्रामीण भाग यामध्ये उपचारांचा दर वेगवेगळा असेल व पर्यायाने ग्रामीण भागात तुलनेने कमी खर्चात उपचार शक्य होतील. रुग्णाला संबंधित रुग्णालयाने पुर्वलेखापरिक्षीत देयक देणे बंधनकारक करण्यात आले आहे. याशिवाय जास्त दर आकारणाऱ्या रुग्णालयांवर भरारी पथकांमार्फत पुन्हा तपासणी करण्याची आणि त्यावर कारवाई करण्याची तरतूदही या अधिसूचनेत कायम ठेवण्यात आली आहे अशी माहिती राज्य आरोग्य हमी सोसायटीचे मुख्य कार्यकारी अधिकारी डॉ सुधाकर शिंदे यांनी दिली कोविड रुग्णांकडून जास्तीत जास्त किती दर आकारले जाऊ शकतात वॉर्डमधील नियमित विलगीकरण (प्रती दिवस) – अ वर्ग शहरांसाठी ४००० रुपये, ब वर्ग शहरांसाठी ३००० रुपये आणि क वर्ग शहरांसाठी २४०० रुपये . यामध्ये आवश्यक ती देखरेख, नर्सिंग, चाचण्या, औषधी, बेड्सचा खर्च व जेवण याचा समावेश. कोविड चाचणीचा खर्च निश्चित केलेल्या दराप्रमाणे द्यावा लागेल. केवळ मोठ्या चाचण्या व तपासणी तसेच उच्च पातळीवरील मोठी औषधी यातून वगळली आहेत. व्हेंटीलेटरसह आयसीयू व विलगीकरण : – अ वर्ग शहरांसाठी ९००० रुपये, ब वर्ग शहरांसाठी ६७०० रुपये आणि क वर्ग शहरांसाठी ५४०० रुपये केवळ आयसीयू व विलगीकरण: – अ वर्ग शहरांसाठी ७५०० रुपये, ब वर्ग शहरांसाठी ५५०० रुपये आणि क वर्ग शहरांसाठी ४५०० रुपये अ वर्ग शहरांत मुंबई तसेच महानगर क्षेत्र ( भिवंडी , वसई-विरार वगळून), पुणे तसेच पुणे महानगर क्षेत्र, नागपूर ( नागपूर मनपा, दिगडोह, वाडी), ब वर्ग शहरांत नाशिक, औरंगाबाद, अमरावती, भिवंडी, सोलापूर, कोल्हापूर, वसई-विरार, मालेगाव, नांदेड, सांगली क वर्ग भागात अ आणि ब वर्ग शहरांव्यतिरिक्तचे इतर सर्व जिल्हा मुख्यालये यांचा अंतर्भाव करण्यात आला आहे

ग्रामीण भागातील जनतेला कोरोना उपचाराच्या खर्चात मोठा दिलासा ! #COVID #CORONA #Maharashtra Read More »

Title : कोव्हिशिल्ड #Covishild लसीचा दुसरा डोस घेण्याचा कालावधी झाला ६ ते ८ आठवड्यांवरून १२ ते १६ आठवडे.

Leave a Comment / Global News, Health News / Health's Infos

कोव्हिशिल्ड #Covishild लसीचा दुसरा डोस घेण्याचा कालावधी झाला ६ ते ८ आठवड्यांवरून १२ ते १६ आठवडे. Check news on :https://postnw.com/jmkbwv34Jy केंद्र शासनाच्या आरोग्य विभागाच्या नव्याने आलेल्या आदेशानुसार दिनांक १५ मे २०२१ पासून नाशिक महानगरपालिका हद्दीतील सर्व नागरिकांना आता कोविशील्ड या लसीचा पहिला डोस घेतल्या नंतर दुसरा डोस घेण्याचा कालावधी हा ६ ते ८ आठवड्यांवरून १२ ते १६ आठवडे असा करण्यात आला आहे. १५ मे २०२१ या तारखेच्या आधी कोविशील्ड लसीचा पहिला डोस घेतलेल्या नागरिकांना आता ८४ दिवस झाल्यानंतरच दुसरा डोस मिळणार आहे. शनिवार १५ मे पासून ज्या नागरिकांचे कोविशील्ड या लसचे पहिला डोस घेऊन ८४ दिवस पूर्ण झालेले असतील अश्याच नागरिकांना कोविशील्ड लसचा दुसरा डोस मिळणार आहे. कोवॅक्सिन या लसीचे पहिल्या व दुसऱ्या डोसचे अंतर पूर्वी प्रमाणे २८ ते ४२ दिवसच राहणार आहे. तरीही ज्या नागरिकांचे कोविशील्ड या लसचे ८४ दिवस पूर्ण झालेले नसतील अश्या नागरिकांनी लसीकरण केंद्रावर जाऊन गर्दी करू नये असे आवाहन नाशिक महानगरपालिका प्रशासना तर्फे करण्यात आले आहे.

Title : कोव्हिशिल्ड #Covishild लसीचा दुसरा डोस घेण्याचा कालावधी झाला ६ ते ८ आठवड्यांवरून १२ ते १६ आठवडे. Read More »

#Nashik बिटको रुग्णालयात महात्मा ज्योतिराव फुले जन आरोग्य योजना लागू. कोविड रुग्णांना होईल फायदा.

Leave a Comment / Global News, Health Insurance, Health News, Health Scheme, Hospital / Health's Infos

#Nashik नाशिक #NMC महानगरपालिका अंतर्गत नव्याने तयार करण्यात आलेल्या भव्य अश्या बिटको रुग्णालयात महात्मा ज्योतिराव फुले जन आरोग्य योजना #MJPJAY नुकतीच लागू करण्यात आली असून सदरील योजनेचा मोठ्या प्रमाणात फायदा कोविड रुग्णांना होईल अशी आशा आहे.योजनेचा लाभ मिळण्यासाठी रुग्णांचे रेशन कार्ड व ओळखपत्र योजनेच्या आरोग्य मित्रांकडे नोंदवावे लागेल. #Aadhaar

#Nashik बिटको रुग्णालयात महात्मा ज्योतिराव फुले जन आरोग्य योजना लागू. कोविड रुग्णांना होईल फायदा. Read More »

उद्योग मित्र संस्थेच्या वतीने #नाशिक जिल्हा रुग्णालयास #व्हेंटिलेटर प्रदान

Leave a Comment / Global News, Health News / Health's Infos

#Nashik कोरोना महामारीशी लढा देताना स्वयंसेवी संघटना असो शासनाचे विभाग असो सर्वांचे प्रयत्न अपुरे पडत आहेत. या प्रयत्नांना बळ देण्यासाठी नाशिकचे उद्योजक सुद्धा पुढे आलेले आहेत. उद्योग मित्र संस्थेच्या आवाहनाला प्रतिसाद देत नाशिक मधील प्रसिद्ध कंपन्यांनी तातडीने मदतीचा हात पुढे केला आहे. उद्योग मित्र संस्थेचे अध्यक्ष तसेच भाजपा उद्योग आघाडी चे प्रदेशाध्यक्ष श्री प्रदीप पेशकार व या मदत उपक्रमाचे प्रकल्पप्रमुख श्री आनंदराव सूर्यवंशी यांच्या प्रयत्नातून विविध कंपन्यांनी या उपक्रमात सहभाग नोंदवला.संस्थेच्या वतीने जिल्हा ग्रामीण रुग्णालय तसेच मनपा आयुक्त व संबंधित अधिकारी यांना विचारणा करून कोणत्या उपकरणांची आवश्यकता आहे ते साहित्य लवकरात लवकर उपलब्ध करून देण्याचे निश्चित केले.आज नाशिक जिल्ह्यातील विविध शासकीय रुग्णालयासाठी #Ventilator व्हेंटिलेटर ची पहिली खेप मा.खा. डॉ. भारती पवार यांच्या उपस्थितीत जिल्हाधिकारी श्री सुरज मांढरे व जिल्हा शल्यचिकित्सक श्री अशोक थोरात यांच्याकडे सुपूर्द केली. यामुळे काही तालुक्यांच्या वैद्यकीय व्यवस्थेत भर पडून ग्रामीण भागातील रुग्णांना यांचा लाभ होईल अशी आशा आहे.असे अध्यक्ष प्रदीप पेशकार यांनी सांगितले. जिल्हाधिकारी यांनी संस्थेचे व उद्योजकांचे आभार मानले.डॉक्टर श्री अशोक थोरात यांनी तिसऱ्या लाटे साठी या व्हेंटिलेटर चा उपयोग लहान मुलांसाठी सुध्दा होऊ शकेल असे सांगितले. याप्रसंगी शहर अध्यक्ष श्री गिरीश पालवे ,उद्योजक किशोर राठी , अंकीत राठी, आनंदराव सुर्यवंशी, जगदीश शास्त्री ,अमित आदी उपस्थित होते.उद्योग मित्र संस्थेच्या आवाहनाला प्रतिसाद देऊन ॲडव्हान्स एंजाइम लि.चे श्री के एल राठी जिंदाल साॅ लि. चे श्री सिन्हा , इनोवा रबर प्रा.ली.चे श्री हेमंत बक्षी, एम एस एस इंडिया चे श्री मंगेश नाटाळ, नॅशनल रोबोटिक्स चे श्री अशोक खत्री व श्री केवलरामानी आधी उद्योजकांनी तातडीने निधी उपलब्ध करून दिला. या निधीच्या उपयोगातून व्हेंटिलेटरर्स , ऑक्सीजन प्लांट व आयसोलेशन सेंटर आधी सुविधा उपलब्ध करून देण्यात येणार आहे.या उपक्रमात इतर उद्योगांनीही सहभागी व्हावे असे आवाहन उद्योग मित्र संस्थेचे अध्यक्ष श्री प्रदीप पेशकार व उद्योग मित्र संस्थेचे प्रकल्पप्रमुख सूर्या ग्रुपचे आनंदराव सूर्यवंशी यांनी केले आहे.

उद्योग मित्र संस्थेच्या वतीने #नाशिक जिल्हा रुग्णालयास #व्हेंटिलेटर प्रदान Read More »

#Nashik शहरात कामाचे ठिकाणी ही मिळणार आता #COVID ची लस

Leave a Comment / Global News, Health News / Health's Infos

केंद्र शासनाच्या मार्गदर्शक तत्वानुसार संघटित क्षेत्रांसाठी ज्यामध्ये शासकीय व खाजगी कार्यालय उत्पादन क्षेत्र,सेवा क्षेत्र इत्यादी अंतर्गत येणाऱ्या ४५ वर्षावरील कर्मचाऱ्यांना त्यांच्या ऑफिस कार्यालयामध्ये कामाचे ठिकाणीच आता लसीकरण करून मिळणार आहे त्यादृष्टीने जिल्हा व मनपा प्रशासनाच्या वतीने नियोजन केले जात असल्याची माहिती मनपा आरोग्य वैद्यकीय अधिकारी डॉ.बापूसाहेब नागरगोजे यांनी दिली. १ एप्रिल २०२१ पासून ४५ वर्षावरील सर्व नागरिकांना कोविडचे लसीकरण सुरू झाले आहे.त्यामध्ये आता आपले कामाचे ठिकाणी ही लसीकरण करून मिळणार आहे.केंद्र शासनाच्या मार्गदर्शक तत्वानुसार संघटित क्षेत्रांसाठी ज्यामध्ये शासकीय व खाजगी कार्यालय उत्पादन क्षेत्र, सेवा क्षेत्र इत्यादी अंतर्गत येणाऱ्या ४५ वर्षावरील कर्मचाऱ्यांना त्यांच्या ऑफिस कार्यालयामध्ये कामाचे ठिकाणीच आता लसीकरण करून मिळणार आहे. याबाबत केंद्र शासनाने राज्य सरकारला कळविले आहे की आता कोवीड-१९ चे लसीकरण आता शासकीय व खाजगी कार्यालयातील जी व्यक्ती लसीकरणास पात्र आणि लस घेण्याची इच्छा असणारे कर्मचारी आहेत अशा आस्थापना, जवळील सद्यस्थितीतील शासनाने मान्यता दिलेल्या कोवीड लसीकरण केंद्राशी जोडून कार्यान्वित करता येणार आहे.यासाठी डिस्ट्रिक्ट टास्क फोर्सने नियोजन करून ज्या शासकीय किंवा खाजगी आस्थापना इच्छुक आहेत त्यांचेशी समन्वय साधावयाचा आहे. सदर आस्थापनेवरील वरिष्ठ अधिकारी हे नोडल अधिकारी म्हणून निर्देशित होतील व त्यांनी या लसीकरण मोहिमेसाठी जवळील कोवीड लसीकरण केंद्राशी समन्वय ठेवायचा आहे. यामध्ये सध्या केवळ ४५ वर्षावरील कर्मचारीच पात्र असणार आहेत, आस्थापने बाहेरील अथवा नातेवाईक यांना ही सोय उपलब्ध नसणार आहे. शासकीय आस्थापनावरील लसीकरण केंद्र हे जवळील शासकीय कोवीड लसीकरण केंद्राला संलग्न असेल.खाजगी आस्थापना लसीकरण केंद्र जवळील सद्यस्थितीत कार्यरत असलेल्या मान्यता प्राप्त खाजगी कोवीड लसीकरण केंद्राशी संलग्नित असेल व या कार्यालयीन लसीकरण केंद्राची लस, आरोग्य कर्मचारी टीम पुरविण्याची जबाबदारी सदर केंद्राची असणार आहे.शासकीय कार्यालयातील लसीकरण मोफत असणार असून, खाजगी कार्यालयांमध्ये होणाऱ्या लसीकरणासाठी प्रति कर्मचारी २५० रुपये शुल्क असणार आहे.यामुळे सद्यस्थितीतील कोवीड लसीकरण केंद्रावर पडणारा ताण तसेच होणारी गर्दी याला काही प्रमाणात आळा बसून लसीकरणामध्ये काहीशी सुसुत्रता येण्यास मदत होईल तरी खाजगी अशा आस्थापना यांनी त्यांचे कर्मचारी वर्गाचे शासन निर्णयाचे पालन करून लसीकरण करून घ्यावे असे आवाहन नाशिक महानगरपालिका आरोग्य वैद्यकीय अधिकारी डॉ.बापूसाहेब नागरगोजे यांनी केले आहे.

#Nashik शहरात कामाचे ठिकाणी ही मिळणार आता #COVID ची लस Read More »

Sign In

Register

Reset Password